Saltanatty is-sharaǵa Parlament Senatynyń Tóraǵasy Máýlen Áshimbaev qatysyp, úzdik otbasylardy quttyqtady. О́z sózinde ol otbasylyq ınstıtýtty nyǵaıtý baǵytynda memleket tarapynan júzege asyrylyp jatqan bastamalarǵa toqtaldy.
«Ana men balanyń quqyqtaryn qorǵaý, «Ulttyq qor – balalarǵa», «Keleshek mektepteri» sekildi keshendi jobalar elimizde otbasy qundylyqtarynyń nyǵaıýyna jáne azamattardyń ómir sapasyn arttyrýǵa yqpal etedi dep senemiz», dedi Máýlen Áshimbaev.
Bıylǵy «Mereıli otbasy-2025» baıqaýynda elimizdiń túkpir-túkpirinen qatysqan 20 otbasy jeńimpaz atandy.
Bul áýletter – eńbegimen elge úlgi bolyp, urpaq tárbıesinde ónege kórsetip otyrǵan, birligi bekem, baq-berekesi jarasqan otbasylar.
Baıqaý jeńimpazdaryna arnaıy syılyqtar men dıplomdar tabystaldy. «Mereıli otbasy» jobasy jyl saıyn el ishindegi tatýlyq pen rýhanı birlikti nyǵaıtýǵa baǵyttalǵan mańyzdy bastama retinde jalǵasyp keledi.
