Foto: naryk.kz
Atameken ulttyq kásipkerler palatasy baspasóz qyzmetiniń málimetinshe, joǵaryda atalǵan sanatqa enetinder tabysynyń 4%-y mólsherinde biryńǵaı tólem tóleıdi. Bul mólsherlemege zeınetaqy, medısınalyq jáne áleýmettik aýdarymdar kiredi. Iаǵnı aı saıynǵy tabysy 1,25 mln teńgege deıingi azamattar IP ashpaı-aq zańdy túrde jumys isteı alady.
«Bul ózgeris artyq bıýrokratııany azaıtyp, qyzmetin zańdastyrýdy jeńildetedi. Qazirgi tańda ruqsat etilgen 46 qyzmet túri bar, al qosymsha 115 qyzmet túrin engizý usynyldy — oǵan kýrerlik, turmystyq qyzmetter men shaǵyn óndiris kiredi. Salyq kodeksindegi bul ózgerister ózin-ózi jumyspen qamtyǵandardy qoldaýǵa jáne shaǵyn bıznesti damytýǵa baǵyttalǵan, sonyń nátıjesinde myńdaǵan azamat óz qyzmetin zańdy túrde júrgizip, áleýmettik qorǵaýǵa ıe bolmaq», delingen habarlamada.
Sondaı-aq ulttyq palata tabys mólsherine qoıylǵan shekteýlerdi jáne qyzmetti jeke (jumysshylarsyz) júrgizý talaptaryn eskere otyryp, Ulttyq palata qosymsha 115 qyzmet túrin engizý jóninde usynys jibergen.
