Shalǵaı aýyldaǵy mádenıet úıiniń qurylysy 2023 jyldyń qazan aıynda bastalǵan edi. Mine, aýyl turǵyndary asyǵa kútken otaýdyń qurylysy bıyl tolyq aıaqtalyp, paıdalanýǵa berildi. Jalpy aýmaǵy 560 sharshy metr bolatyn ǵımaratta 100 oryndyq kórermen zaly, keń foıe, qyzmetkerlerge arnalǵan bólmeler, bı zaly, garderob jáne grımdeý bólmeleri ornalasqan.
Mádenıet oshaǵynyń ashylýyna oblys ákimi Narıman Tóreǵalıev qatysyp, aýyl turǵyndaryn aıtýly kúnmen quttyqtady.
«Memleket basshysy Qasym-Jomart Kemeluly Toqaev mádenıet salasyna erekshe nazar aýdaryp, aýyldyq jerlerdegi áleýmettik nysandardyń jańarýyna aıryqsha kóńil bólip keledi. Bul ǵımarat – sol bastamalardyń naqty jemisi, memleket qoldaýymen jergilikti halyqtyń birliginiń kórinisi. Jańa mádenıet úıi – aýyldyń mádenı jáne qoǵamdyq ómiriniń ortalyǵyna aınalady dep senemin», dedi óńir basshysy.
Oblysta mádenıet salasyna júıeli qoldaý kórsetilip keledi. Keıingi eki jylda osyndaı alty mádenıet úıi men mádenı-sport kesheni paıdalanýǵa berilgen.
Sondaı-aq respýblıka boıynsha alǵash ret mádenıet salasynda «Qazaqstan halqyna» qorynyń qoldaýymen 25 aýyldyq kitaphana jańǵyrtylyp, zamanaýı talaptarǵa saı jańardy.
«Samuryq-Qazyna» qorynyń qoldaýymen Oral qalasyndaǵy Jastar mádenıet saraıynda «Kreatıvti hab» ashylyp, shyǵarmashyl jastarǵa arnalǵan jańa orta qalyptasty.
Aıta keteıik, Batys Qazaqstan oblysynda bıyl taǵy 12 mádenı nysan salynyp jatyr. Jaqyn kúnderi Jánibek aýdanynyń Jaqsybaı aýylynda mádenı-sport kesheni ashylmaq.
Batys Qazaqstan oblysy
