Foto: Aqorda
«Konstıtýsııalyq reforma jasalǵan kezde, sondaı-aq atom stansııasyn salý máselesin talqylaǵan ýaqytta dál solaı bolǵan. Qazir de solaı bolmaq. Bul elimizde jańa saıası mádenıettiń paıda bolǵanyn kórsetedi, ıaǵnı bul – qoǵam kókeıinde júrgen asa ózekti máselelerdi sheshýdiń jańa dástúri qalyptasyp jatyr degen sóz», dedi Memleket basshysy.
Prezıdent azamattardyń óz Otanynyń keleshegine shynaıy alańdap, onyń damý jolynda aıanbaı ter tókse, ult shyn máninde egemen elge aınalatynyn aıtty.
«О́zge memleketter de ony solaı qabyldaıdy. Tipti ol bir qaraǵanda usaq ispen aınalysqandaı kóringenimen, shyn máninde óte mańyzdy jumys atqarsa, mysaly, kógaldandyrýmen, ózi turatyn aýmaqty tazalaýmen shuǵyldansa, qal-qaderinshe qoǵamdyq tártiptiń saqtalýyn qadaǵalasa, vandalızm men dóreki qylyqtarǵa qarsy tursa elge paıdasyn tıgizedi. О́zine, otbasyna, týǵan eline jany ashıtyn otandastarymyzdyń úlkendi-kishili jetistikterine kún saıyn kýá bolyp júrmiz. Olar shynaıy patrıottyǵynyń arqasynda osyndaı dárejege jetip otyr. Barshańyzǵa málim, jyl saıyn azamattarymyz túrli salada top jarady. Bul halqymyzdyń jasampaz bolmysyn pash etedi. Jastardy osyndaı izgi amaldar jasaýǵa yntalandyrady, ulttyq rýhymyzdy janı túsedi», dedi Qasym-Jomart Toqaev.
