Foto: Kólik mınıstrligi
Bıyl sala rekordtyq kórsetkishke jetti. Naqty ataǵanda, 13 myń shaqyrymnan astam tasjolǵa jóndeý jáne qurylys jumystary júrgizildi.
Úzdik mamandarǵa «Eńbek ardageri»,«Qurmetti jolshy» tósbelgileri tabystalǵan is-shara barysynda Kólik vıse-mınıstri Talǵat Lastaev barsha jolshylardy kásibı merekemen quttyqtap, alǵys bildirdi.
«Jol salý – bul jaı ǵana ınfraqurylym turǵyzý emes, bul – saýda, týrızm jáne halyqtyń ál-aýqatyn arttyrýdyń negizin qalaý. Bizdiń mindetimiz – jol ınfraqurylymyn odan ári damytý. Ásirese, elimizdiń kólik-logıstıka sektorynyń irgetasyn qalaǵan jáne zor qurmetke ıe sala ardagerlerine erekshe alǵys aıtamyn», – dedi T.Lastaev.
Kólik mınıstrliginiń málimetinshe elimizdegi avtomobıl joldarynyń jalpy uzyndyǵy 185 myń shaqyrymnan asady. Onyń ishinde shamamen 25 myń shaqyrymy respýblıkalyq, 70 myń shaqyrymy jergilikti mańyzǵa ıe bolsa, qalǵan 95 myń shaqyrymy qalalar men eldi mekenderdiń kóshe-jol jelisin quraıdy.
