Áleýmettik sala mamandarynyń eńbegi baǵalandy

Forýmǵa Birikken Ulttar Uıymy, Halyqaralyq eńbek uıymy, Halyqaralyq kóshi-qon uıymy, IýNISEF, Dúnıejúzilik bank pen basqa da halyqaralyq uıymdardyń ókilderi qatysty.

Memleket basshysy qoǵam damýy­nyń mańyzdy býyny retin­de áleýmettik qyzmetkerler már­tebesin kóterýge, áleýmettik qorǵaý júıesin reformalaýǵa úlken kóńil bólip otyr. Premer-mınıstr óz sózin­de elimizde áleýmettik qorǵaý­dyń tıimdi júıesin qurý boıynsha júr­gizilip jatqan jumystarǵa toq­ta­lyp, áleýmettik qorǵaý salasy qyz­met­kerleriniń ardagerler men qoǵam­dyq uıymdar ókilderiniń, aza­mat­tardyń osal toptaryn qoldaý­dy qam­tamasyz etýge qosqan úlesin atap ótti.

«Memleket basshysy Qasym-Jomart Toqaev bıylǵy halyqqa Joldaýynda memleket ár azamat­tyń laıyqty tabys taýyp, sapaly áleýmettik qyzmet alyp, erteńgi kúnine senimdi bolýy úshin barynsha jaǵdaı jasaıtynyn aıtty. Bul oraıda áleýmettik teńsizdikti joıý, arnaýly áleýmettik qyzmetter jú­ıesin damytý men osy baǵytta eń úzdik halyqaralyq stan­darttar­dy engizý memlekettiń basym min­det­teriniń biri bolyp qalyp otyr. Búginde sıfrlandyrý áleý­met­tik-eńbek qatynastarynyń bar­lyq salasyna belsendi túrde en­gizi­lip, úlken derekterdi óńdeýge múm­kind­ik berip otyr», dedi O.Bektenov.

Bul baǵytta Úkimet júıeli ju­mys­­­tar júrgizip jatyr. 2021–2025 jyl­­dar aralyǵynda arnaýly áleý­mettik qyzmet kórsetý ort­a­lyq­tarynda jumys isteıtin áleý­met­tik sala qyzmetkerleriniń jala­qy­sy 2 ese ósti. Sondaı-aq ákim­­shilik pen kómekshi qyzmet­kerler­diń, memlekettik medısına­lyq-áleýmettik mekemeler, úıde kútim jasaý jáne ýaqytsha bolý uıym­dary qyzmetkerleriniń jalaqy­sy olardyń qoldanystaǵy qosym­sha aqylarynyń mólsherin baza­lyq laýazymdyq jalaqynyń 30%-ynan laýazymdyq jalaqynyń 40%-yna deıin ulǵaıtý jolymen kóbeıtildi.

Elimizde halyqty áleýmettik qorǵaý salasynda barlyǵy 40 myń maman (medısına qyzmetker­leri, arnaıy pedagogter men áleýmet­tik qyzmetkerler) jumys isteı­­di. Áleýmettik kodekste orynda­la­­tyn jumystardyń kásibı deńgeıi men kúrdeliligin eskere otyryp, oqytý, sertıfıkattaý, sanattar berý men eńbekke aqy tóleýdiń jańa júıe­sin engizý arqyly áleýmet­tik qyz­metkerlerdiń mártebesin arttyrý kózdelgen.

Halyqaralyq forým barysynda qatysý­shylarǵa elimizde azamat­tar­dyń osal sanattaryn qoldaý úshin keńi­nen qoldanylatyn sıfr­lyq she­shim­der usynyldy. Onyń ishinde bir­yń­ǵaı sıfrlyq plat­forma, áleý­met­tik qyzmetter por­ta­ly men 2024 jyl­dyń úzdik joba­sy dep tanyl­ǵan ot­basy­nyń sıfr­lyq kar­tasy sııaq­ty ın­no­va­sııa­lyq joba­lar bar. Kar­ta­da 6 mln qazaq­stan­dyq otbasy týraly derekter bar, aza­­mat­tar­ǵa memlekettik qyzmet­ter­diń 11 túri proaktıvti formatta usynylady.

Áleýmettik qorǵaý júıesin damytý sheńberinde Qazaqstan halyqaralyq uıymdarmen belsendi ózara is-qımyl júrgizip jatyr. Mú­ge­­dektigi bar jandardyń, halyq­tyń áleýmettik osal toptarynyń quqyq­­taryn qorǵaýǵa, arnaýly áleý­met­tik qyzmetter júıesin damytý­ǵa baǵyt­talǵan birqatar birles­ken joba júzege asyrylyp keledi. Aldaǵy bes jylǵa arnal­ǵan ınklıýzıvti saıa­sat tujyrym­damasy qabyldandy, BUU-nyń Múge­dekterdiń quqyqtary týraly konvensııasy ratıfıkasııa­landy. Halyqaralyq eńbek uıy­my­men seriktestikte ulttyq zańna­many jetildirý boıynsha kelisilgen jumystar júrgizilip jatyr.

Forýmda Halyqaralyq áleýmet­tik qamsyzdandyrý qaýymdasty­ǵynyń (HÁQQ) prezıdenti doktor Mohammed Azman Qazaqstannyń áleýmettik qyzmetkerlerin kásibı merekelerimen quttyqtady. Forým alańynda Premer-mı­nıstr bir­qatar tehnologııalyq she­shim­­dermen tanysty. Atap aıtqan­da, Jambyl oblysynan kelgen otan­dyq startapshylar jasandy ıntel­lektige ıntegrasııalanǵan sıfrlyq tehnologııalar kómegimen til men bas qımyldary arqyly múgedekter arbasyn basqarý ádisin tanystyrdy.

* * *

Sondaı-aq keshe Memleket basshysynyń tapsyrmasy bo­ıynsha Respýblıka kúnine oraı Premer-mınıstr Oljas Bektenov eńbek ardagerlerine, temirjol, taý-ken metallýrgııa, energetıka, medısına, bilim, ǵylym salalary qyzmetkerlerine, sondaı-aq memlekettik qyzmetshilerge memlekettik nagradalar tabys etti.