Bul aýyl turǵyndary úshin ǵana emes, búkil óńir sportshylary úshin aqjoltaı habar bolyp otyr.
Jańa sport nysany aýyldyń kelbetin aıshyqtap, ulttyq dástúr men zamanaýı ınfraqurylymnyń úılesimin kórsetti. Alań qurylysyna demeýshilik jasaǵan — Halyk qaıyrymdylyq qory, al jobany iske asyrý jumystaryna «Qyzylsha jer» kompanııasy uıytqy bolǵan.
Kókpar alańy 300-den asa kórermenge arnalǵan trıbýnamen jabdyqtalǵan. Sportshylarǵa arnalǵan arnaıy aımaqtar men oıyn ótkizýge qajetti jaǵdaıdyń bári qarastyrylǵan. Endi Belbasarda tek aýyldyq emes, oblystyq deńgeıdegi saıystar da uıymdastyrylmaq.
Aýyldaǵy alǵashqa dodada óńirdiń segiz komandasy baq synady. Olardyń qatarynda Merki, «Amanat» (Belbasar), «Birles – Áýlıeata», «Tátti», T.Rysqulov, «Aqsý», «Balýan Sholaq» jáne «Shý» quramalary bar.
Kórermenniń delebesin qozdyrǵan dodada Merki komandasy úzdik shyǵyp, 3 mıllıon teńge júldeni qanjyǵalady. Al týǵan jerdiń namysyn qorǵaǵan «Amanat» (Belbasar) ekinshi oryndy ıelenip, 2 mıllıon teńgege ıe boldy. Úshinshi oryn «Birles – Áýlıeata» komandasyna buıyryp, olarǵa 1 mıllıon teńge tabystaldy.
Jambyl oblysy
Shý aýdany
