Foto: Ashyq derekkóz
2025 jyldyń alǵashqy segiz aıynda Qazaqstan aýmaǵy arqyly ótken tranzıttik júk kólemi 25,81 mıllıon tonnaǵa jetken. Bul ótken jyldyń sáıkes kezeńimen salystyrǵanda 3,2 paıyzǵa joǵary kórsetkish. Mundaı ósim eldiń tranzıttik áleýetin arttyrý jáne halyqaralyq kólik dálizderin damytý baǵytynda qabyldanǵan sharalardyń nátıjeli ekenin dáleldeıdi.
«2025 jyly qurylys jáne jóndeý jumystarymen barlyq sanattaǵy 13 myń shaqyrymǵa jýyq avtojoldar qamtyldy. Onyń ishinde 2,2 myń shaqyrym respýblıkalyq mańyzy bar joldardy salý jáne rekonstrýksııalaý, 6,6 myń shaqyrym respýblıkalyq jelini kúrdeli jáne ortasha jóndeý jáne 4,1 myń shaqyrym jergilikti joldardy jańartý jumystary bar», dep habarlady Úkimettiń baspasóz qyzmeti.
Sonymen qatar jyl sońyna deıin 6,1 myń shaqyrymdyq jol jumystaryn aıaqtaý josparlanǵan. Sonyń ishinde 847 shaqyrymynda jańa qurylys jáne rekonstrýksııalaý, 2,2 myń shaqyrymynda kúrdeli jáne ortasha jóndeý, al 3,1 myń shaqyrymynda jergilikti mańyzy bar joldardy jóndeý jumystary jalǵasady.
Aıta keteıik, bıýdjet qarajatyn tıimdi paıdalaný maqsatynda uzyndyǵy 2 myń shaqyrym bolatyn 10 jańa jol ýchaskesinde aqyly júıe engizildi. Nátıjesinde elimizdegi aqyly kúre joldardyń jalpy uzyndyǵy 3,2 myńnan 5,2 myń shaqyrymǵa deıin artqan.
