Foto: Vıdeodan alynǵan kadr
Mańǵystaý oblysynyń tótenshe jaǵdaılar departamentiniń habarlaýynsha, oqıǵa 28 qazan kúni saǵat 09:03-te Aqtaýdyń 32-shaǵyn aýdanyndaǵy «Azııa» turǵyn úı keshenine qarasty №83 úıdiń jertólesinde bolǵan.
Oqıǵa ornyna birden 11 qutqarýshy men tórt arnaıy tehnıka jiberilgen.
Oblystyq densaýlyq saqtaý basqarmasynyń málimetinshe, jarylys kezinde úsh eresek adam jáne 2010 jáne 2015 jyly týǵan eki bala túrli dárejede jaraqat alǵan. Zardap shekkender medısınalyq mekemege jetkizilip, dárigerlerdiń baqylaýynda.
