Eginjaıdaǵy erlik

Bıyl jer emshegin emgen dıqandar 4,68 mıllıon gektar egistik alqabynan el yryzdyǵyn shashpaı-tókpeı jınap aldy. Gektar berekesi ortasha eseppen 16,3 sentnerden aınaldy. Bir qýanarlyǵy, jınalǵan astyqtyń 75%-y joǵary sapaly. Kúzgi jıyn-terin ýaqytyn­da janqııarlyqpen jumys iste­gen aýyl sharýashylyǵy eńbek­ker­leri ala jazdaı kútip-bapta­­ǵan al­qap­tar­dan 650 myń tonna ­maı­ly da­qyl­dardy jınady. Bul taraptaǵy ónim de rekord­tyq nátıje.

Túndi kúnge, kúndi túnge ulas­tyryp, eseli eńbek etken dıqandar mundaı tolymdy tabysqa eń aldymen aýa raıynyń qolaılyǵy sebep bolǵandyǵyn aıtyp otyr. San jyldar boıy baı tájirıbe jınaqtaǵan dala erleri zamanaýı agrotehnıkalyq sharalardy tıimdi paıdalanyp, jerdiń tilin taba bilgendigi de bar. Sharýa­nyń tııanaqty atqarylýyna «Keń ­dala-2» baǵdarlamasy ar­qyly berilgen qarjylyq demeý de septigin tıgizdi. 930 aýyl sha­rýa­shylyǵy qurylymy 118,5 mlrd­ teńge bolatyn jeńildetil­gen nesıege ıe boldy. Egistik alqaptary 336 myń tonna mıneraldy tyńaıtqyshtarmen baıytyldy. Aýyl sharýashylyǵy qu­rylymdary 1,5 myń dana aýyl sharýashylyǵy tehnıkalarymen jaraqtandyryldy.

Oblystyq aýyl sharýashy­lyǵy jáne jer qatynastary bas­qarmasynyń málimdeýinshe, qut qambasyna quıylǵan astyqtyń sapaly bolýy suranys kólemin ulǵaıtady. Ishki qajettilikti óteý­men qatar, eksportqa shyǵarýǵa da jaǵdaı bar. Oblystyń astyq qoımalaryna 7,2 mln tonna ónim sııady. Bul jaı astyqtyń baǵasy óskenge deıin saqtaýǵa múmkindik beredi.

Tolaǵaı tabysqa qol jetkizý­diń syry týraly biraýyz sóz aıta ketelik. Ol eń aldymen aýyl sharýashylyǵy qurylymdary­nyń materıaldyq-tehnıkalyq ba­za­synyń kóp-kórim jaqsarýy­na baılanysty. Onsyz kóktemgi, k­úzgi dala jumystaryn tyńǵy­lyq­ty júrgizý qıynǵa soǵady. Jyl basynan beri óńirdiń aýyl sharýashylyǵy qurylymdary jalpy quny 57,1 mlrd teńge bolatyn 1 562 aýyl sharýashylyǵy tehnıkasyn satyp aldy. Onyń ishinde 159 astyq kombaıny, 319 traktor, 53 egis kesheni, ózge de tehnıkalar bar. Fermerlerge ár lıtri 254 teńge bolatyn 84,4 myń tonna dızel otyny jeńildetilgen baǵamen bólindi. Úkimettiń astyq jáne maıly daqyldardy kep­tirýge 11 myń tonna dızel otynyn bólgeni de der kezinde kórsetilgen kómek boldy.

Astyqtyń boıyndaǵy ylǵal­dy keptirýge de bar kúsh-jiger jumsaldy. 264 astyq keptiretin qurylǵy kidirissiz jumys istep turdy. Keler jyldyń qamyn oılaǵan dıqandar 539,8 myń tonna sapaly tuqymdy qambalaryna quıyp aldy. Sapaly tuqym kelesi jylǵy yryzdyqtyń kepili. 2025 jyldyń qorytyndysynda óńir eńbekkerleri 1,2 trln teńgeniń aýyl sharýashylyǵy ónimderin óndirdi.

Bereke yntymaǵy uıyǵan, oıǵa alǵan isin tap-tuınaqtaı etip atqaratyn jerge bitedi. Bitik egin ósirý jolynda dıqandar mańdaı terin monshaqtatyp júrip eńbek etti. 4,2 mln ga alqaptyń aramshóbin joıý maqsatynda hımııalyq óńdeý júrgizildi. Bul kórsetkish kózdelgen jospardan 6%-ǵa artyq. Shegirtkege qarsy 328 myń ga alqap qorǵaldy. Kórsetkish 2024 jylmen salystyrǵanda 1,8 ese kóp. Egistik alqaptardy zııan­kester men aýrýlardan saqtaý maqsatynda 2 mln ga egistik alqaby óńdeldi. Bul kórsetkish ótken jylmen salystyrǵanda eki ese kóp. Mıneraldy tyńaıtqyshtarmen alqaptardy baıytý kólemi de úsh ese artty. Mine, osyndaı ilkimdi isterdiń arqasynda aqyq dán aıalaǵan óńir dıqandary tamasha tabysqa kenelip, el yryzdyǵyn molaıtýǵa úles qosty.

О́ńirdegi eginshilik mádenıetin jetildirý arqasynda mol ónim al­ǵan sharýashylyqtardy erekshe­ atap ótken jón. Sandyqtaý aýda­nyndaǵy «Svobodnoe» jaýap­ker­shi­ligi shekteýli seriktestigi ­13 993,5 ga alqapqa dándi daqyl­­­dar tu­qy­myn sińirip, gektar bere­ke­­sin 37,4 senterden aınaldyr­dy. ­Osy aýdandaǵy «Belgorod­skoe» ­se­rik­testigi 11 991 ga alqap­qa egin ekken bolatyn. Ár gektardan 32,5 sent­nerden astyq jınady. Bulandy aýdanyndaǵy jyl saıyn joǵary kórsetkishke qol jetkizip júrgen «Jýravlevka-1» jaýapkershiligi shekteýli serik­testigi ár gektardan 32,2 sent­ner­den ónim jınady. О́ńirde mun­daı ónimdi jumys istegen serik­testikter jeterlik. Joǵary ónim eren eńbektiń nátıjesi, dıqan­dar qaýymynyń qajyrly qımylynyń óteýi.

Aqmola oblysy