Foto: Ashyq derekkóz
2025 jyldyń toǵyz aıynyń qorytyndysy boıynsha Qazaqstan ekonomıkasynyń ósimi 6,3%-dy qurady. Bul kórsetkish jyl basyndaǵy deńgeıden 2,3 paıyzdyq tarmaqqa joǵary. Eldiń negizgi ekonomıkalyq tirekteri – kólik, qurylys, saýda jáne ónerkásip salalary ósimniń basty qozǵaýshy kúshine aınalyp otyr.
«О́sý qarqyny qańtardan qyrkúıekke deıin jedeldedi: qańtarda – 3,8%, qańtar-aqpanda – 5,4%, qańtar-naýryzda – 5,6%, qańtar-sáýirde – 6%, qańtar-mamyrda – 6%, qańtar-maýsymda – 6,3%, qańtar-shildede – 6,3% jáne qańtar-tamyzda 6,5% boldy.Bul ósý qarqyny ekonomıkany ártaraptandyrý jáne salalardy teńgerimdi damytý esebinen júzege asyrylýda. О́simniń negizgi draıverleri kólik jáne qoımalaý qyzmetteri (+21,2%), qurylys (+14,9%), saýda (+8,8%), taý-ken (+9,3%) jáne óńdeý ónerkásibi (+6,2%) boldy», dep habarlady Úkimettiń baspasóz qyzmeti.
Sonymen qatar bıylǵy qańtar-qyrkúıek aralyǵynda ınvestısııalar jyldyq mánde 13,5%-ǵa, onyń ishinde óńdeý ónerkásibine 30,7%-ǵa ulǵaıǵan.
Investısııalardyń belsendi ósýi ınfraqurylymdyq jobalardyń iske asyrylýymen, ekinshi deńgeıli bankterdiń kásipkerlikke nesıe berý kóleminiń ulǵaıýymen jáne «Tarıfti ınvestısııaǵa aıyrbastaý», «Keleshek mektepteri» baǵdarlamalarynyń júzege asýymen tyǵyz baılanysty.
Kásipkerlik salasynda da oń ózgerister baıqalady. 2025 jylǵy 1 qyrkúıektegi málimet boıynsha elde 2 174 309 kásiporyn tirkelgen. Bul ótken jylmen salystyrǵanda 6,4%-ǵa artyq. ShOB-tyń ekonomıkadaǵy úlesi 38,6%-ǵa deıin ósip, al ónim shyǵarý kólemi 11,4%-ǵa ulǵaıyp 18,7 trıllıon teńgege jetken.
