Foto: primeminister.kz
Investısııalyq saıasat
Bıznestiń birtutas ekojúıesin qalyptastyratyn Investısııalyq saıasattyń 2029 jylǵa deıingi tujyrymdamasy jańartylǵan. Investısııalyq shtab qurylǵan, ulttyq sıfrlyq ınvestısııalyq platforma iske qosylǵan.
Engizilgen «Investısııaǵa tapsyrys berý» qaǵıdaty básekelestik artyqshylyqtardy eskere otyryp, óńirlik jáne salalyq usynystardy jasaqtaıdy.
Basym salalardaǵy quny $60 mln-nan asatyn ınvestısııalyq jobalar úshin Qazaqstan zańnamasynyń 25 jyl boıy turaqty bolatynyna kepildik beretin ınvestısııalar týraly kelisim jasasý qarastyrylǵan. 2024 jyly osyndaı 6 kelisim, 2025 jyly taǵy 21 kelisim jasalǵan.
Arnaıy ekonomıkalyq jáne ındýstrııalyq aımaqtarǵa erekshe kóńil bólinip otyr, sondaı-aq aǵylshyn quqyǵy qaǵıdaty boıynsha qyzmet etetin, «jasyl» jáne ıslamdyq qarjy quraldaryn qoldaıtyn «Astana» halyqaralyq qarjy ortalyǵy da qarqyndy damyp jatyr.
Qazaqstannyń ınvestısııalyq tartymdylyǵy
Qazaqstan Ortalyq Azııa óńirindegi jetekshi ınvestısııalyq baǵyttardyń biri retindegi mártebesin saqtap qala aldy. IýNKTAD derekterine sáıkes, 2024 jyly teńizge shyǵa almaıtyn elderge arnap jarııalanǵan 5 greenfield-jobanyń tórteýi Qazaqstanda júzege asty.
Qazaqstanǵa kelgen tikeleı sheteldik ınvestısııa kólemi $17,2 mlrd-ty quraǵan, 45 jańa joba júzege asyrylyp, 6 200 jumys orny ashylǵan.
Investısııanyń negizgi baǵyttary:
taý-ken óndirý ónerkásibi – $6,5 mlrd,
óńdeý ónerkásibi – $2,8 mlrd,
saýda – $5,3 mlrd,
kásibı jáne ǵylymı qyzmet – $0,9 mlrd.
Asa iri ınvestorlar: Reseı ($4,1 mlrd), Nıderlandy ($3,8 mlrd), Ońtústik Koreıa ($1,2 mlrd), Belgııa ($1,2 mlrd), Qytaı ($1,2 mlrd).
2025 jyldyń birinshi jartyjyldyǵynyń qorytyndysy boıynsha tikeleı sheteldik ınvestısııalardyń (TShI) jalpy aǵyny $10,1 mlrd qurady, bul ótken jyldyń sáıkes kezeńimen salystyrǵanda 1,1%-ǵa artyq.
