Foto: gov.kz
Shetelden jumys kúshin (ShJK) tartýǵa basshylar men olardyń orynbasarlary úshin - 561 (birinshi sanat), qurylymdyq bólimshelerdiń basshylary úshin - 2 280 (ekinshi sanat) ruqsat etiledi. Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady. Olardyń sany 3 884 jáne 988 bolyp belgilengen.
Sondaı-aq maýsymdyq jumystarǵa 3 036 adam, al korporatıvtik aýystyrý aıasynda 3 918 adam tartýǵa bolady.
Qazirgi ýaqytta Qazaqstanda ShJK paıdalanatyn 1 896 jumys berýshi bar. Olarda 339,1 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96% quraıdy.
Ekonomıkalyq qyzmet túrleri boıynsha eń kóp sheteldikter qurylys salasynda – 4 799 adam, aýyl, orman jáne balyq sharýashylyǵynda – 3 065 adam, taý-ken ónerkásibi jáne karerlerdi qazý salasynda – 1 187 adam, óńdeý ónerkásibinde – 1 085 adam jumys isteıdi.
Al eńbek mıgranttary jıi keletin elder qatarynda Qytaı (5 330 adam), О́zbekstan (2 682 adam), Túrkııa (1 046 adam), Úndistan (1 012 adam) memleketteri bar.
Eńbek jáne halyqty áleýmettik qorǵaý mınıstrliginiń málimetinshe, 2025 jyly jalpy kvota respýblıkadaǵy jumys kúshiniń sanyna qatysty 0,2% mólsherinde nemese 14,8 myń birlik bolyp belgilengen, al osy jyldyń naýryz aıynan bastap jergilikti atqarýshy organdardyń ótinimderine baılanysty mınıstrdiń buıryǵymen 16,5 myń birlikke deıin ulǵaıtylǵan.
Osy jyldyń tamyz aıynan bastap maýsymdyq sheteldik jumysshylardyń eńbek qyzmetin júzege asyrý úshin kásipter tizbesiniń keńeıýine baılanysty mınıstrdiń buıryǵymen jalpy kvota respýblıkadaǵy jumys kúshi sanyna qatysty 0,25% nemese 19,4 myń mólsherinde belgilengen.
