2023 jyly Mádenıet jáne aqparat mınıstrligi azamattardyń memlekettik basqarý isine atsalysýyna múmkindik beretin «Qoǵamdyq baqylaý týraly» zań qabyldaýǵa bastamashy bolǵany belgili. Alaıda, is júzinde onyń normalary keńinen qoldanylmady jáne jergilikti turǵyndardyń biraz bóligi bul ózgeris jóninde aqparatty jetkilikti alǵan joq. Osyǵan oraı, «Ashyk kogam» qoǵamdyq qory 2025 jylǵy 23 qazanda Batys Qazaqstan oblysynyń Memlekettik kirister departamenti jumysyna qoǵamdyq monıtorıng júrgizdi. Maqsat – zańnyń is júzinde qalaı jumys isteıtinin kórsetý jáne azamattardyń osy iske atsalysýǵa qyzyǵýshylyǵyn arttyrý. Monıtorıngke BQO Qoǵamdyq keńesiniń músheleri, «Ashyk kogam» qoǵamdyq qory men BAQ ókilderi, blogerler qatysty.
Olar azamattarǵa qyzmet kórsetý sapasyn, konsýltasııalardyń qoljetimdiligin, sondaı-aq, salyq organdarynda qabyldaý sharttaryn baǵalady. Is-shara qorytyndysy boıynsha servısti jaqsartýǵa qatysty usynystar daıyndaldy. Ashyq derekkózderdiń málimetine súıensek, bul is-shara – BQO-da «Qoǵamdyq baqylaý týraly» zańdy is júzinde qoldanýdyń alǵashqy úlgisi. «Ashyk kogam» qoǵamdyq qory aldaǵy ýaqytta qoǵamdyq talqylaý, saraptama, qashyqtan monıtorıng jasaý nemese monıtorıng tásilderimen qoǵamdyq baqylaý is-sharalaryn aı saıyn júrgizý josparlanyp otyrǵanyn aıtady.
