Maqsat Ánesuly Táj-Murat 1959 jyly qarashada Atyraý oblysyna qarasty Qosshaǵyl poselkesinde dúnıege kelgen. Qyzmet jolyn 1983-1990 jyldar aralyǵynda «Bilim jáne eńbek» jýrnalynan bastaǵan ol, «Sosıalıstik Qazaqstan» gazetinde tilshi, «Gorızont»-«О́rken» gazetinde redaktordyń orynbasary, «Jalyn» jýrnalynyń jaýapty sekretary, Qazaqstan LKJO OK jastar buqaralyq aqparat quraldary sektorynyń meńgerýshisi bolyp jalǵastyrdy. Keıin on jylǵa jýyq QazMÝ-diń fılologııa fakýltetinde oqytýshy boldy. Keıin «Qazaq ádebıeti»gazeti, «Ana tili» gazeti, «Astana» jýrnaly syndy irgeli basylymdarda basshylyq qyzmet atqardy.
Qalamger «Sháńgereı: jasampazdyq ómiri», «Batys Alash-Orda: bıobıblıografııalyq sózdik tájirıbesi», «Ǵumar Qarash: ómiri men shyǵarmashylyǵy», «Kábısa jyl: zertteý, esse, ádebı tolǵamdar», «Qaharmandyq anatomııasy. Mánshúktiń málimsiz maıdany», «Dımash. Kogda jajdýt krıka» kitaptarynyń jáne merzimdi basylymdar betinde jarııalanǵan júzge tarta maqalanyń avtory.
Marqum «Egemen Qazaqstan» gazetine bergen sońǵy suhbatynda Aqseleý Seıdimbektiń sózin eske alǵan edi:
«Ahań ustazym qaıtarynyń aldynda: «Aı, Maqsatjan, jazatynyńdy 65-ke deıin jazyp qal, odan ári – shabash!» dep edi, bilgendeı-aq aıtqan eken, jaryqtyq. Sonda ózi 67-de eken ǵoı, qarap otyrsam. Al jazýshy úshin jaza almaı qalý – óte aýyr, tipti ókinishti, qaıǵyly jaǵdaı bolýy kerek».
Maqsat Táj-Murat ta 66 jasynda fánı jalǵanmen qosh aıtysty.
