Foto: Sý resýrstary jáne ırrıgasııa mınıstrligi
Konferensııada kompanııa ókilderi gıdrotehnıkalyq qurylys, kólik ınfraqurylymy, ekologııalyq ınjınırıng jáne taý-ken óndirisi salalaryndaǵy jańa tehnologııalar týraly baıandap berdi.
N.Nurjigitovtiń aıtýynsha, sý sharýashylyǵyndaǵy ınnovasııalar – bul tek tehnologııa máselesi emes, bul azyq-túlik qaýipsizdigine, agrarlyq sektordyń turaqtylyǵyna jáne tabıǵı resýrstardy utymdy basqarýǵa tikeleı baılanysty másele.
«Klımattyń ózgerýi bizden múlde jańa, zamanaýı ári tıimdi sheshimderdi talap etedi. Qazir Qazaqstan sý sharýashylyǵy salasynyń mańyzdy damý kezeńinde tur. Biz bul baǵytta aýqymdy transformasııa júrgizip jatyrmyz. Negizgi basymdyq – normatıvtik-quqyqtyq bazany jetildirý, sý ınfraqurylymyn jańǵyrtý, sý únemdeý tehnologııalaryn engizý jáne transshekaralyq yntymaqtastyqty damytý», dedi mınıstr.
Sý resýrstary jáne ırrıgasııa mınıstrliginiń málimetinshe, atalǵan vedomstvo nemis kompanııasymen burynnan tájirıbe almasyp keledi. Jambyl oblysy Baızaq aýdanyndaǵy «О́temis» kanalynda INCOMAT geotekstıl materıalyn engizý boıynsha pılottyq joba tabysty nátıje kórsetti. Materıaldyń jumys tıimdiligi naqty jaǵdaıda dáleldendi. Atap aıtqanda, joba nátıjesinde maýsym sońynda sý shyǵynynyń azaıǵany jáne sý resýrstaryn basqarýdyń tıimdiligi artqany baıqaldy. Sonymen qatar júıe syrtqy áserlerge tózimdiligimen jáne tehnıkalyq qyzmet kórsetý yńǵaılylyǵymen erekshelendi. Pılottyq jobanyń oń nátıjeleri bul tehnologııany basqa kanaldarda da qoldanýdyń maqsatqa saı ekenin dáleldedi.
