– Biz búgin qalanyń kelbetine kórik qosyp, tarıhı sıpatyn baıyta túsetin ózgeshe nysandy paıdalanýǵa bergeli otyrmyz. Bul – turǵyndardyń demalyp, serýendeýine arnalǵan jańa alań. Saıabaqtyń bıikten túsirilgen sýretine kóz salsaq, kıiz úıdiń beınesi bederlengen. Aldaǵy ýaqytta osy jerge memlekettik rámizimiz – Týymyzdy ornatamyz. Qalamyz kúnnen-kúnge kórkeıip keledi. «Ushaqtar kentinde» de osyndaı saıabaq salynyp jatyr. Ony da tolyq aıaqtap, halyqtyń demalys ornyna, qoǵamdyq keńistikke aınaldyramyz, – dedi oblys ákimi.
Sonymen qatar óńir basshysy jańa ashylǵan saıabaqqa «Respýblıka saıabaǵy» degen ataý berý kerektigin de aıtty.
– Halyq ıgiligine qyzmet etetin saıabaqty qala zııalylary men qoǵamdyq keńes ókilderi «Respýblıka alańy», «Respýblıka saıabaǵy» dep ataýdy usynyp otyr. Men óz tarapymnan bul ataýdyń jańa qoǵamdyq orynǵa jarasymdy ekenin aıtqym keledi. О́ıtkeni elimizdiń eń ulyq merekesi Respýblıka kúninde halyq ıgiligine paıdalanýǵa berilip otyr. Azamattardyń talap-tilegin qoldaı otyryp, memlekettik onomastıka komıssııasyna osy ataýdy usynamyz, – dedi.
Búginde jańa saıabaqtyń qurylysy tolyq aıaqtalyp, aýmaǵy abattandyrylǵan. Kógaldandyrý jumystary aıasynda myńǵa jýyq qaraǵaı men shyrsha kóshetteri, 9 500-den astam sándi butalar men 8 000-ǵa jýyq kópjyldyq gúlder egildi. Jalpy aýmaǵy shamamen 53 myń sharshy metrdi quraıtyn saıabaqta serýen joldary, demalys aımaqtary, sahna, mádenı-kópshilik is-sharalarǵa arnalǵan ashyq alańdar qarastyrylǵan.
Az ýaqyt ishinde boı kótergen qoǵamdyq nysan turǵyndar alańsyz ári qaýipsiz demalatyn oryn. Saıabaqty salý barysynda 24 myń sharshy metr aýmaq kógaldandyryldy. 20 370 sharshy metr jerge tósemtas, 20 480 sharshy metr aýmaqqa asfalt tóseldi. Saıabaqtyń basty nysandarynyń biri – Altyn adam eskertkishi. Ulttyq tarıhqa taǵzym retinde ornatylǵan eskertkish saıabaqtyń kórkin keltirip tur.
Saltanatty is-shara sońynda «Alataý serileri» toby, Ámire Qashaýbaev atyndaǵy oblystyq fılarmonııa ánshileri óner kórsetip, jınalǵan qaýymǵa kóterińki kóńil kúı syılady.
Abaı oblysy
