Joba Dımash Qudaıbergenniń bastamasymen jáne Hunan Broadcasting System telearnasymen birlese qolǵa alyndy. Bıylǵy qyrkúıek aıynda túsirilim toby men qatysýshylar Qazaqstannyń óńirleri boıynsha saıahattap, 7436 shaqyrymnan astam jol júrdi. Olar 22 kún ishinde olar elimizdiń baı tabıǵı jáne mádenı murasymen tanysty.
Túsirilimge Qazaqstan, Qytaı, Qyrǵyzstan, Italııa, Malaızııa jáne Serbııa elderiniń ónerpazdary qatysty. Jobanyń baǵyty negizgi týrıstik oryndardy qamtydy. Onyń ishinde Uly Jibek jolynyń boıyndaǵy kóne Túrkistan, Mańǵystaý oblysyndaǵy Bozjyra men Kaspıı teńiziniń jaǵalaýynyń biregeı kórinisteri, Almaty óńiriniń tabıǵı injý-marjandary – Qaıyńdy kóli, Saty týrıstik aýyly, Qapshaǵaı sý qoımasy, Aqmola oblysynyń Kóbeıtuz kóli men Shýchınsk-Býrabaı kýrorttyq aımaǵy ispetti tabıǵı landshafttary bar.
Voice Beyond Horizon jobasy 2026 jyly Hunan TV telearnasy arqyly kópshilikke jol tartady.
Jobaǵa QR Týrızm jáne sport mınıstrligi, Kazakh Tourism ulttyq kompanııasy, «Jolaýshylar tasymaly» AQ jáne óńirlerdiń ákimdikteri uıymdastyrýshylyq qoldaý kórsetti.
