Kún tártibi naqtylandy

Palata Spıkeri Qabıbolla Jaqypovtyń tóraǵa­ly­ǵymen Májilis bıýrosy ótip, aldaǵy jalpy otyrystyń kún tártibi naqtylandy, dep habarlady Májilistiń baspasóz qyzmeti. Depýtattar nazaryna «Jeke detek­tıvtik qyzmet týraly» zań jobasy ilespeli túzetýlermen birinshi oqylymda usy­nylyp otyr. Májilismender men­shik quqy­ǵyn qorǵaýdy kúsheıtý, shart­­tyq mindettemelerdi qorǵaý­dy kepil­dendirý jáne olardy buzǵany úshin jaýapkershilikti  qatańdatý máseleleri boıynsha túzetýlerdi ekinshi oqylymda qaramaq. Sonymen qatar, kún tártibi joba­synda Bolgarııa jáne Rý­my­nııa elderimen adamdardy ustap berý týraly sharttardy, sondaı-aq, Rýmynııamen sottalǵan adam­­­dardy berý týraly shartty ratı­fı­ka­sııa­laýǵa qatys­ty zań jobalary qamtylǵan. Jalpy otyrysta Má­jilis sot júıesi men sýdıa­lary­nyń mártebesi týraly Kons­tıtýsııalyq zańǵa jáne kons­tıtýsııalyq zańdarǵa azamattyq prosestik zańnamany jetildirý máseleleri boıynsha ózgeristerge qatysty zań jobalary men Kaspıı teńiziniń sý-bıologııalyq resýrs­taryn saqtaý men utymdy paıdalaný týraly, Reseımen Baıqońyr qalasynyń bilim berý uıymdaryn berý týraly kelisimderdi ratıfıkasııalaý týraly zań jobalaryna baılanysty beıindi komıtetterge qorytyndy ázirleý merzimin taǵaıyndamaq.