Buǵan deıingi jyldary Qazaqstan quramasy Jenevada (2022), Sıngapýrda (2023) jáne Grekııada (2024) ótken jarystarda da birinshi oryndy ıelengen. Osylaısha, elimiz tarıhta alǵash ret FGC týrnıriniń tórt dúrkin chempıony atandy. Bul jetistik halyqaralyq STEM-bilim berý salasynda teńdessiz kórsetkish sanalady.
Bıylǵy olımpıadaǵa álemniń 190 elinen komandalar qatysty. Qazaqstandyq oqýshylar eki eń bedeldi atalymda altyn medal jeńip aldy:
– Grand Challenge Award (altyn) – robottardyń irikteý oıyndarynda rekord ornatyp, absolıýttik chempıon bolǵan komandaǵa beriletin basty júlde;
– Albert Einstein Award (altyn) – ınjenerlik sheshimder, tehnıkalyq sheberlik, komandalyq jumys jáne kóshbasshylyq kórsetkishteri boıynsha úzdik komandaǵa taǵaıyndalatyn eń joǵary tóreshiler syılyǵy.
Mınıstrlik málimetinshe, bul jetistik qazaqstandyq bilim berý júıesinde ınjenerlik jáne tehnologııalyq baǵyttardy damytýǵa erekshe serpin beredi. El komandasynyń tabysy mektep oqýshylarynyń joǵary tehnıkalyq daıyndyq deńgeıin jáne halyqaralyq deńgeıdegi básekege qabilettiligin dáleldeıdi.
