Shyǵarmashylyq daǵdylarǵa baýlýdy maqsat etken jasandy ıntellekt salasyndaǵy eń iri jarys – FAIO 2025 irikteý kezeńine 9 eldiń 50 qalasynan 400-den astam komanda, myńnan astam oqýshy qatysty.
Oza shaýyp, fınalǵa jetken 7 eldiń 51 komandasy baq synap, Google, Huawei, Beeline, Freedom Bank ınjenerleri daıyndaǵan tapsyrmalardy dálme-dál oryndaýǵa tyrysty. Mańyzdysy – eń durys sheshimin tabý.
FAIO 2025 olımpıadasynyń tehnıkalyq jetekshisi Qýanysh О́teýdiń aıtýynsha, Fizmat AI olımpıadasy byltyr respýblıkalyq deńgeıde ótken. Bıyl bul jarys alǵash ret halyqaralyq aýqymda uıymdastyryldy. FAIO 2025 olımpıadasy – komandalyq saıys. Bir topta úsh oqýshy bar. Basty maqsat – oqýshylardy shyǵarmashylyq oılaýǵa tárbıeleý jáne izdeniske úıretý. Qatysýshylar ǵylymı, qıyn, ındýstrııada, shyn ómirde kezdesetin qıyn esepterdi shyǵardy.
Olımpıadada tapsyrmany durys oryndap, 1-oryndy reseılik komanda ıelense, Qazaqstan komandalary 2 jáne 3-oryndardy enshiledi. Jeńimpazdar dıplomdar men arnaıy syılyqtarmen marapattaldy.
Bıylǵy jarystyń júlde qory 5 mıllıon teńgeni qurady.
