Foto: Ashyq derekkóz
Bul kórsetkish elimizdiń energetıkalyq naryqtaǵy baǵytyn aıqyn kórsetedi: Qazaqstan munaıy áli de eýropalyq tutynýshylarǵa baǵyttalǵan negizgi shıkizat kózi bolyp otyr.
2024 jylǵy alǵashqy on ımporttaýshy el (kólemi boıynsha, tonnamen):
- Italııa – 43%;
- Nıderlandy – 12%;
- Fransııa – 7%;
- Rýmynııa – 6%;
- Grekııa – 6%;
- Qytaı – 4%;
- Ispanııa – 3%;
- Shveısarııa – 3%;
- Túrkııa – 3%;
- Basqa elder – 13%.
Esepke sáıkes, Italııa 2024 jyly Qazaqstan munaıynyń eń iri ımporttaýshysy atanyp otyr. Elge jetkiziletin jalpy eksport kóleminiń 43 paıyzy dál osy memleketke tıesili. Alaıda, Energy Analytics atap ótkendeı, statıstıkada Italııa eń iri ımporttaýshy bolyp kóringenimen, qazaqstandyq munaıdyń naqty sońǵy alýshysy – Germanııa. Bul el shıkizatty Italııanyń Trıest portyndaǵy termınal arqyly qabyldaıdy.
Sondaı-aq, eýropalyq naryqta Nıderlandy, Fransııa, Rýmynııa jáne Grekııa syndy elder de belsendi satyp alýshylar qatarynda. Bul Eýropalyq Odaq elderiniń qazaqstandyq munaıǵa degen turaqty suranysyn kórsetedi.
Budan bólek, Fınlıandııa da Qazaqstanmen yntymaqtastyqqa qyzyǵýshylyq tanytyp otyr. Reseıden energııa tasymaldaý toqtaǵannan keıin, Fınlıandııa jańa seriktester izdep, Qazaqstandy yqtımal áriptes retinde qarastyryp otyr.
Azııa aımaǵynda Qazaqstan munaıynyń negizgi alýshylarynyń qatarynda Qytaı men Túrkııa bar. Al Ońtústik Koreıa, Sıngapýr jáne Úndistan sııaqty elder ımport kólemi boıynsha tómenirek kórsetkishke ıe.
