Shara shekara basqarmasynyń bastyǵy polkovnık Nurtaı Sahıevtiń departament basshysy polkovnık Álibek Qaıýpovqa «Kúz-2025» shaqyrylymy sarbazdarynyń ant qabyldaý úshin sapqa turǵyzylǵanyn baıandaýynan bastaldy. Aty-jóni atalysymen ortaǵa shyqqan ár sarbazdyń qımyl-qozǵalysyn olardyń ata-analary, týystary, dostary qalt jibermeı baqylady. Al biz sarbaz analarynyń birin sózge tartqan edik. Aqerke Aralbaeva búgingi rásimge qatysý úshin Almaty oblysy, Qarasaı aýdanynyń Qyrǵaýyldy aýylynan kelipti.
«Ulym jańa ǵana kóz aldymda ant qabyldady. Qulynymdy áskerı orta ózgertipti, eseıgen. Anamyn ǵoı, ózin áskerge shyǵaryp salǵaly ýaıymdap edim. Jaqsy jerge túskenin kórip, qatty qýanyp turmyn», dedi.
Sondaı-aq ol ózi ustazdyq etetin mektepte «Jas shekarashy» áskerı-patrıottyq klýby ashylyp jumys isteı bastaǵanyna biraz ýaqyt bolǵanyn, endi rásimnen keıin jas patrıottarmen áńgime saǵatyn ótkizip, búgingi shara týraly aıtyp beretinin tolǵana jetkizdi.
UQK Shekara qyzmeti Almaty oblysy boıynsha departament bastyǵy polkovnık Álibek Qaıýpov, Uıǵyr aýdany ákiminiń orynbasary Erasyl Tolymbekuly, shekarashy ardagerlerdiń «Zastava tarlandary» respýblıkalyq qoǵamdyq birlestigi Almaty oblystyq fılıalynyń tóraǵasy, zapastaǵy polkovnık Serik Qamyshev, ata-analar atynan Bulbulhan Baımádıeva áskerı ómirdiń alǵashqy álippesimen tanysyp, sappen júrýdiń ádis-tásilin tereń meńgergen jaýyngerlerdi quttyqtap, otan shebindegi qyzmetterine sáttilik tiledi.
Otan aldyndaǵy azamattyq boryshyn el shebinde óteý kezinde qyzmettik-jaýyngerlik is-árekettiń úzdigi atanǵan «Kúz-2024» shaqyrylymynyń 20 sarbazyna departament basshysy ózderi qalaǵan joǵary oqý oryndarynyń sertıfıkatyn saltanatty jaǵdaıda tabys etip, shekara qorǵaýdaǵy adal qyzmetterine alǵys aıtty.
Tamara DÁÝLETBAEVA,
UQK Shekara qyzmetiniń zapastaǵy podpolkovnıgi
