Foto: Ashyq derekkóz
Túpqaraǵan aýdanyndaǵy jaǵalaýdan 112 óli ıtbalyq tabylǵan. Bul joıylyp bara jatqan janýarlar Asan aýylynan bastap Baýtıno múıisine deıingi ártúrli jerlerde jaǵaǵa shyǵyp qalǵan.
Sarapshylar zerthanalyq taldaý úshin qaldyqtardyń fragmentterin, sondaı-aq sý, topyraq jáne aýa úlgilerin jınaǵan. Qazirgi ýaqytta jaǵalaýdy monıtorıng júrgizilip, máıitterdi joıý jumystary jalǵasyp jatyr.
«Gıdrobıologııa jáne ekologııa ınstıtýtynyń qyzmetkerleri ekspedısııa júrgizýde. Mańǵystaý oblysynyń ákimdigi ıtbalyqtardy qorǵaý algorıtmin jasap, arnaıy jumys tobyn qurdy. Itbalyqtardyń jappaı qyrylýy alǵash ret tirkelip otyrǵan joq. Bıyl kóktemde 284 óli ıtbalyq tabyldy», dedi Mańǵystaý oblystyq balyq sharýashylyǵy departamentiniń bólim basshysy Saǵadat О́mirhanova.
