Foto: primeminister.kz
Olımpıadalyq standarttyń sertıfıkattalǵan quraldarymen jabdyqtalǵan boks, kúres, aýyr atletıka jáne krossfıtke arnalǵan zaldar atalǵan sport kesheninde qarastyrylǵandyqtan respýblıkalyq jáne álemdik deńgeıdegi IBA jarystaryn ótkizýge múmkindik beredi.
Keshen aýmaǵynda eki fýtbol alańy, ıadro men naıza laqtyrýǵa arnalǵan alań, oıyn jáne jattyǵý aımaqtary, ámbebap sport alańdary jáne jeńil atletıka aımaǵy ornalasatyn bolady. Halyqtyń mobıldiligi tómen toptary úshin arnaıy qural-jabdyqtar qarastyrylǵan.
Úkimettiń baspasóz qyzmetiniń málimdeýinshe, budan bólek, órt-qoldanbaly sport túrlerine arnalǵan skalodrom jáne munarasy bar ámbebap sport zalyn ashý josparlanyp otyr. Munda kásibı qutqarýshylardy daıarlaıtyn Tótenshe jaǵdaılar mınıstrliginiń Azamattyq qorǵaý akademııasynyń kýrsanttary ózderiniń kásibı daǵdylaryn arttyra alady.
Mádenı-buqaralyq is-sharalarǵa arnalǵan zamanaýı mýltımedııalyq júıeleri bar 650 oryndyq zal da qoljetimdi bolmaq.
Nysanda negizgi qurylys jumystary aıaqtaldy, ishki árleý, abattandyrý jáne ınjenerlik jeliler júrgizilip jatyr. Nysannyń jalpy daıyndyǵy – 85%. Osy jyldyń sońyna deıin paıdalanýǵa berý josparlanǵan.
