Foto: pinterest.com
Onyń aıtýynsha, mundaı shara bıýdjettik turaqtylyqqa eleýli qaýip tóndirip, qarjy júıesine aýyr salmaq túsiredi. 2019 jyly júrgizilgen nesıe amnıstııasynan keıin birqatar azamattar qaıtadan qaryz alyp, ony óteýde qıyndyqqa tap bolǵan.
«Bul moraldyq táýekel týdyrady. Adamdar ár bes-alty jyl saıyn amnıstııa jarııalanady dep oılap, qaryzdaryn tóleýdi toqtatady. Iаǵnı, nesıe báribir keshiriledi degen túsinik qalyptasady», dedi Mádına Ábilqasymova.
Agenttik basshysy qazirgi ekonomıkalyq jaǵdaıda mundaı tájirıbeni qaıtalaý bıýdjetke qosymsha júkteme ákeletinin atap ótti.
«Bul qadam qazynaǵa aýyr soqqy bolar edi. Sondyqtan ázirge Úkimet bul bastamany qoldap otyrǵan joq. Onyń ornyna biz balamaly sheshimder usynyp otyrmyz», dedi ol.
Buǵan deıin Qarjy vıse-mınıstri Erjan Birjanov 2026 jyldyń 1 qańtarynan bastap jańa Salyq kodeksi kúshine enetinin, alaıda tolyq salyqtyq amnıstııa qarastyrylmaǵanyn málimdegen bolatyn.
