80 jastaǵy qazaqstandyq Saltanat Túıtebaev álemdegi eń qıyn marafondardyń biri sanalatyn Nıý-Iork marafonyn baǵyndyryp, 80-89 jas sanaty boıynsha jeńiske jetti. 2025 jyldyń 2 qarashasynda ol áıgili Verazano kópirinen bastap, bes kópirdi eńserip, úlken synnan súrinbeı ótti.
Álem sportshylary "beıresmı álem chempıonaty" dep ataıtyn Nıý-Iork marafony kúrdeli baǵytymen erekshelenedi. Jarys jolynyń alǵashqy shaqyrymy Steıten-Aılend pen Brýklındi jalǵaıtyn Verazano (Verrazzano-Narrows Bridge) kópirinen bastalady. Uzyndyǵy shamamen 4 shaqyrym bolatyn bul kópir teńiz deńgeıinen 69,5 metr bıiktikte ornalasqan. Sondyqtan ol júgirýshilerge qosymsha qıyndyq týdyrady.
Saltanat Túıtebaev jasyna jáne kúrdeli baǵytqa qaramastan 4 saǵat 45 mınýt 56 sekýnd nátıjesin kórsetti.
Buǵan deıin ol Astanada osyndaı qashyqtyqty 4 saǵat 25 mınýtta júgirip ótken edi. Alaıda Nıý-Iork tas joldary áldeqaıda qıyn boldy. Sebebi bes kópirdiń árqaısysy aıtarlyqtaı kúsh pen tózimdilikti talap etti.
