Sýret: kaztag.kz
Tujyrymdamany ázirleý ıdeıasy alǵash ret Býrabaıda ótken Ulttyq quryltaı otyrysynda aıtyldy. Alty aı boıy sarapshylarmen, azamattyq qoǵam jáne ǵylymı qaýymdastyq ókilderimen ashyq talqylaýlardan keıin qujat memlekettiń búkil ishki saıasatyna júıeli negiz bolatyn maǵynaǵa ıe boldy.
Negizgi nazar deklarasııalarǵa emes, jańa saıası mádenıetti qalyptastyratyn qaǵıdattarǵa aýdarylyp otyr. Árbir izgi ıdeıa adam men memleket damýyna tirek bolatyn, eki taraptyń da jaýapkershiligin aıqyndaýǵa baǵyttalǵan. Eldiń turaqty damýy jolynda memlekettilikti jáne ult birligin nyǵaıtý maqsaty aıqyn tujyrymdalǵan.
Qujat aıqyndaǵan alty negizgi qaǵıdattyń árbiri mańyzdy mánge ıe. «Zań men tártip» qaýipsizdik pen ınstıtýttarǵa degen senimniń kepili bolsa, «Halyq únine qulaq asatyn memleket» – qoǵamdy joǵarydan basqarý emes, ony estýge jáne túsinýge baǵyttalǵan qadam. «Ártúrli kózqaras – birtutas ult» – kózqarastardyń alýan túrliligine qurmet mádenıeti bolsa, «Kúshti Prezıdent – yqpaldy Parlament – esep beretin Úkimet» – bılik monopolııasyn boldyrmaıtyn ınstıtýsıonaldyq teńgerim. Al «Adal azamat» – eńbek etıkasy, jaýapkershilik pen patrıotızmge baǵdar. «Taza Qazaqstan» – qorshaǵan ortaǵa, keńistikke jáne mádenıetke uqypty kózqaras.
Bul qaǵıdattar ishki saıasatty jaı ǵana sheshimder jıyntyǵynan mán-maǵynalar júıesine aınaldyrady. Olar memleket pen azamat arasyndaǵy ózara árekettesý logıkasyn qalyptastyrady, onda senim damýdyń basty resýrsyna aınalady.
Qujat tek memlekettik organdarǵa emes, búkil qoǵamǵa arnalǵan. Ol ortaq maqsatty usynady – ádil, ashyq jáne zamanaýı Qazaqstan. Onda qundylyqtar, ınstıtýttar men is-áreketter ózara úılesim tapqan. Bul – memlekettik saıasattyń tek úderisterdi basqarý emes, ulttyń ortaq maqsattary men alǵa jyljýyn nyǵaıtýdy kózdegen nıet.
Nıkıta ShATALOV,
Májilis depýtaty
