Sapaly deńgeıge kóteredi

Atalǵan kezdesýlerge sarapshylar, qoǵam belsendileri jáne ishki saıasat salasynyń mamandary qatysyp, pikirleri men usynystaryn ortaǵa saldy. Sol kezdesýlerdiń birine ózim de qatysyp, usynystarymdy bildirdim.

Bul qujat – sala maman­darynyń súzgisinen ótip, keńinen talqylanǵan, jan-jaq­ty saralanyp ázirlengen qu­jat dep aıtýǵa bolady. Ási­rese qoǵam­dyq ómirdiń bar­lyq salasyn qamtıtyn, damýǵa baǵyttaıtyn mazmuny jınaqy da naqty dúnıe shyq­qanyna shúbám joq.

Qarap otyrsaq, munda ishki saıa­sattyń negizgi maqsaty, qaǵı­­dattary, nyshandary men qundylyqtary aıqyn kórsetil­gen. Sonymen qatar ishki saıasat­tyń basym baǵyttary da naqty belgilenip tur.

Sondyqtan, eń aldymen, memlekettik qyzmetshilerge, ásirese ishki saıasatqa ja­ýapty mamandarǵa taptyrmas ári paıdaly quralǵa aınalmaqshy. Ony ortalyq jáne jergilikti deńgeıde nusqaýlyq retinde qoldanýǵa ábden bolady.

О́zim de kezinde memleket­tik qyzmette, ishki saıasat salasynda jumys istegenmin. Sol ýaqytta dál osyndaı maz­­mundaǵy qu­jattyń jetis­peıtinin sezi­ne­tinbiz. Endi, mine, ondaı olqy­lyqtyń orny tolyp otyr.

Menińshe, bul – ishki saıasat máselelerin júıe­leý­ge, qundylyqtar men qaǵı­dat­tar negizinde jumysty jańa sa­paly deńgeıge kóterýge jáne salaǵa tyń serpin ákelýge múmkindik beretin, ýaqytyly ázirlengen óte mańyzdy ári sapaly qujat.

Nurbek MATJANI,

Saıası sarapshy