Aımaqaralyq ortalyq ashyldy

Jaqynda oblystyq klınıkada aımaqaralyq Call ortalyǵy ashyldy. Buryn turǵyndar óz problemalaryn densaýlyq saqtaý basqarmasyna jetkize almaı pushaıman bolyp júrse, endi ortalyq qyzmetin óz ıgiligine paıdalana alady. Munyń tıimdi jaǵy kóp. Buryndary jaýapty mamandardyń salǵyrttyǵynan ótinishter eskerýsiz qalyp kelse, búgingi zań talaptary ondaı bosbelbeýlikti kótermeıdi. Turǵyndar óz saýaldaryna jaýap alýmen qatar, memleket tarapynan bólinetin tegin dári-dármekterdiń qalanyń qandaı dárihanalaryna túskenin bile alady. Call ortalyǵynyń maqsat-múddesin oblystyq densaýlyq saqtaý basqarmasynyń basshysy Seıitjamal Pákeev aıtyp berdi. – Oblystyq aýrýhananyń bazasynda ashylǵan ortalyq azamattardyń aqparattandyrý deńgeıin kóterý úshin jáne ambýlatorııalyq uıymdastyrý qyzmetiniń erekshelikterine baılanysty suraqtardy qoıýǵa arnalǵan. Osynda habarlasqan kez kelgen pasıent óz saýalyna, shaǵymyna mindetti túrde tolyqqandy jaýap alatyn bolady. Biz óz tarapymyzdan pasıenttiń problemasyn barynsha tıimdi ári tez sheshýge tyrysatyn bolamyz, – dedi S.Pákeev. Call ortalyq oblystyń bas dárigeriniń bastamasy boıynsha ashylyp otyr. Eki jaqqa da ıgilikti sharýany aıaǵyna deıin jetkizýge 22 mln. teńge bólingen. Qudaı qalasa, jyl aıaǵyna deıin oblystaǵy aýdan, qala medısınalyq bólimderi osy ortalyqqa qosylmaq. Baqtııar TAIJAN, «Egemen Qazaqstan». ShYMKENT.