«Premer-mınıstr myrza, men sizdiń úkimetińizdiń otstavkasyn qabyldaımyn jáne jańa quram taǵaıyndalǵanǵa deıin óz mindetterińizdi atqarýdy tapsyramyn», dedi Petr Pavel.
Sondaı-aq ol Fıaladan barlyq mınıstrlikterdi jańa úkimetke kedergisiz ótkizip berýdi qamtamasyz etýdi surady.
Petr Fıala bastaǵan úkimet Chehııa parlamenti depýtattar palatasynyń jańa shaqyrylymynyń alǵashqy otyrysynan keıin otstavkaǵa ketý týraly sheshim qabyldaǵan.
Aıta keteıik, qazan aıynyń basynda Chehııada ótken parlament saılaýynda «Azamattardyń narazylyq aksııasy» (ANO) partııasy jeńiske jetken bolatyn.
Ekinshi jáne úshinshi oryndardy bılik koalısııasy «SPOLU» men «Starostove» partııasy ıelendi.
Saılaýdan keıin prezıdent Petr Pavel parlamentke engen saıası partııalar men qozǵalystardyń jetekshilerimen keńes ótkize bastaǵan.
Buǵan deıin Chehııada saılaýda jeńiske jetken partııalar koalısııa qurý týraly kelisimge qol qoıǵan edi. Oǵan ANO, SPD jáne Motorise qozǵalystary kirdi.
Jańa Chehııa úkimeti jeltoqsan aıynyń ortasynan keshiktirmeı jumysyn bastaýy tıis.
