Genýıadaǵy «Karlo Felıche» teatry orkestriniń súıemeldeýimen, maestro Djýzeppe Akýavıvanyń jetekshiligimen qazaqstandyq mýzykant nemis romantızminiń eń áıgili týyndylarynyń biri — Maks Brýhtyń Skrıpka men orkestrge arnalǵan №1 sol mınor, op. 26 konsertin oryndady.
Baǵdat Ábilhanov Italııaǵa saparyn óziniń shyǵarmashylyq jolyndaǵy mańyzdy beles ári qazaq ónerin halyqaralyq sahnada tanytýǵa zor múmkindik ekenin atap ótti. Sonymen qatar maestro Djýzeppe Akýavıva men «Karlo Felıche» teatrynyń orkestrine kásibı seriktestik pen shyǵarmashylyq qoldaý kórsetkeni úshin alǵys bildirdi.
Bul konsert qazaqstandyq mýzykanttardyń joǵary kásibı deńgeıin jáne Qazaqstan men Italııa arasyndaǵy mádenı baılanystardy nyǵaıtýǵa qosqan úlesin aıqyn kórsetken mańyzdy mádenı oqıǵa boldy.
