Foto: Astana qalasynyń polısııa departamenti (arhıv)
Alaıaqtan alty adam zardap shekken. Úsheýi Aqtóbeden bolsa, qalǵan úsheýi Almaty, Túrkistan oblystarynan.
Jábirlenýshilerdiń barlyǵy Almaty qalasynan birneshe táýlikke páterdi jalǵa almaq bolǵan. Kúdikti olardan aqsha aýdarymyn alǵannan keıin baılanysty toqtatqan, sóıtip jalpy 300 myń teńgege jýyq aqsha ıelengen.
Tergep-tekserý barysynda ustalǵan er adamnyń Almaty qalasynan páterlerdi jalǵa berý týraly habarlamalardy ınternet-platformasynan taýyp, ózi jalǵa alýshy keıpinde páter ıelerine habarlasqany anyqtalǵan.
Polisia.kz málimetinshe qylmystyq is qozǵalyp, sotqa deıingi tergep-tekserý júrgizilip jatyr. Kúdikti ýaqytsha ustaý ızolıatoryna qamalǵan. Basqa óńirlerde onyń osyndaı áreketinen zardap shekkenderdiń bar-joǵy da tekserilip jatyr.
