Bul joba Prezıdenttiń tapsyrmasyna sáıkes júzege asyp jatqan Ulttyq jobanyń aıasynda salyndy.
Oblystyq densaýlyq saqtaý basqarmasynyń basshysy Madııar О́teshevtiń aıtýynsha, jańa nysandar aýyl turǵyndaryna sapaly medısınalyq qyzmet alýǵa múmkindik beredi.
«Ulttyq joba Memleket basshysynyń tikeleı tapsyrmasy boıynsha júzege asyrylyp jatyr. Biz kezdesken aýyl turǵyndary zor rızashylyqtaryn bildirdi. Bul jańa nysandar aýyl halqynyń densaýlyǵyn nyǵaıtýǵa úlken úles qosady. Munda aýrýlardy erte kezeńde anyqtaýǵa, skrınıngtik tekserýler júrgizýge múmkindik bar. Balalar, júkti áıelder men jas analar, sondaı-aq qart adamdar osy jerde medısınalyq qyzmet alady. Biz munyń bári aýyl turǵyndarynyń densaýlyǵyn saqtaýǵa jáne nyǵaıtýǵa aıtarlyqtaı septigin tıgizedi dep sanaımyz», dedi ol.
Jańa feldsherlik-akýsherlik pýnkt aýyl turǵyndaryn alǵashqy medısınalyq-sanıtarııalyq kómekpen (MSAK) qamtyp, aýrýlardyń aldyn alý men erte anyqtaý jumystaryn jaqsartady.
