OpenAI kompanııasynyń bilim berý jáne memlekettik baǵdarlamalar jónindegi jetekshisi Kevın Mılls pen Halyqaralyq «Qazaq tili» qoǵamynyń prezıdenti Raýan Kenjehanuly qazaq tilinde jasandy ıntellektiniń dál jáne sapaly jumys isteý áleýetin arttyrýǵa baǵyttalǵan birlesken bastamalardy júzege asyrý jaıyn talqylady.
Negizgi mindet – qazaq tilindegi derekter qoryn kóbeıtý, tildik modelderdiń dáldigin jetildirý jáne júıeni ulttyq mádenıet, ádebıet pen tarıhqa qatysty mazmunmen baıytý.
Halyqaralyq «Qazaq tili» qoǵamy bilim berý salasyn qoldaý baǵytynda júıeli jumys júrgizip keledi. Kelisim nátıjesinde muǵalimderge qazaq tilindegi oqý baǵdarlamalary men sabaq josparlary, dárister jáne ádistemelik materıaldardy jasandy ıntellekt quraldarynyń kómegimen ázirleýge jańa múmkindikter ashylady.
Bul seriktestik – qazaq tilin zamanaýı tehnologııalar keńistiginde damytýǵa jáne jahandyq sıfrlyq ekojúıede onyń ornyn aıqyndaıtyn mańyzdy qadam.
