Kelisim pılottyq jobalardy iske asyrý jáne elektrlik ushaqtar, ozyq tehnologııalar men ıntellektýaldy kólik júıeleri salasyndaǵy ınnovasııalyq sheshimderdi ilgeriletý boıynsha birlesken jumysty kózdeıdi.
«Qazaqstan jańa tehnologııalyq baǵyttardy júıeli túrde damytyp, ınnovasııalardy engizýge qolaıly orta qalyptastyrýda. BETA Technologies kompanııasymen yntymaqtastyq óńirdegi kóshbasshylyǵymyzdy nyǵaıtyp, «aqyldy» jáne ekologııalyq taza kólik sheshimderin damytý úshin jańa múmkindikter ashatynyna senimdemiz», - dep atap ótti Qazaqstan Respýblıkasy Premer-mınıstriniń orynbasary, Jasandy ıntellekt jáne sıfrlyq damý mınıstri Jaslan Mádıev.
Memorandýmǵa qol qoıý rásimi Vashıngtonda, C5+1 bıznes-konferensııasynyń aıasynda ótti. Is-shara Ortalyq Azııa elderi - AQSh arasyndaǵy tehnologııa jáne ornyqty damý salasyndaǵy seriktestik máselelerin talqylaýǵa baǵyttalǵan.
