Qazaqstanda 1 paıyzben qalaı ıpoteka rásimdeýge bolady?

Baǵdarlama jas mamandarǵa aýyldyq jerde eńbek etip, ómir súrýge jáne kásibı turǵyda damýǵa jańa múmkindik beredi.

Baǵdarlamanyń artyqshylyqtary:

• Kóterme járdemaqy: 100 aılyq eseptik kórsetkish mólsherinde birjolǵy tólem;
• Turǵyn úıge jeńildetilgen nesıe: satyp alý nemese salý úshin 1% jyldyq mólsherlememen (JTSM – 1%);
• Nesıe somasy: eldi mekenge baılanysty 2 500 AEK-ke deıin;
• Qaıtarý merzimi: 15 jylǵa deıin.

Qatysýǵa kimder quqyly?

Bilim, densaýlyq saqtaý, áleýmettik qorǵaý, agroónerkásip, mádenıet, sport salalaryndaǵy jáne aýyldyq okrýg ákimderi apparatyndaǵy (ákim men olardyń orynbasarlaryn qospaǵanda) memlekettik qyzmetkerler.

Negizgi sharttar:

• tehnıkalyq, kásiptik, ortadan keıingi, joǵary nemese joǵary oqý ornynan keıingi bilimi bar tulǵalar;
• nesıe alǵan maman keminde 3 jyl óz mamandyǵy boıynsha aýyldyq jerde jumys isteýge mindetti;
• buryn alynǵan nesıeler boıynsha merzimi ótken bereshektiń bolmaýy.

О́tinim berý tártibi:

1. Aýyldyq jerden bos jumys ornyn tabý nemese ákimdikke júginý;
2. Baspana Market platformasynda tirkelý;
3. Onlaın ótinim berip, ESQ arqyly qujattarǵa qol qoıý.

«Dıplommen – aýylǵa!» baǵdarlamasy — jas mamandar úshin óz aımaǵyn damytýǵa, eńbek jolyn bastaýmen qatar baspanaly bolýǵa tamasha múmkindik.