Elordada vandalızm men qoǵamdyq tártipti buzýdyń kez kelgen jaǵdaıyna qarsy júıeli kúres júrgizilip keledi.
Oqıǵa kópqabatty turǵyn úılerdiń birinde bolǵan. 38 jastaǵy er adam lıftiniń esigin teýip syndyryp, shahtaǵa qulap ketken. Sonyń saldarynan lıft apatty jaǵdaıda toqtap, kabına ishinde 31 jastaǵy er adam qalyp qoıǵan.
Qutqarýshylar eki azamatty da shyǵaryp aldy, olarǵa dárigerler qajetti kómek kórsetti.
Tártip buzýshynyń jeke basy anyqtalyp, oǵan qatysty QR ÁQBtK-niń 434-baby ("Usaq buzaqylyq") boıynsha ákimshilik is qozǵaldy. Sot sheshimimen ol 15 táýlikke ákimshilik qamaýǵa alyndy.
– Taǵy bir jaǵdaıda polıseıler 51 jastaǵy er adamdy ustady. Ol Abylaı han kóshesindegi turǵyn úı janynda ornalasqan polısııa beketiniń terezesin ádeıi syndyrǵan. Ol QR Ákimshilik quqyq buzýshylyq týraly kodeksi 147-1-babynyń 1-bóligi boıynsha ákimshilik jaýapkershilikke tartyldy, – delingen aqparatta.
Is materıaly Astana qalasynyń mamandandyrylǵan aýdanaralyq ákimshilik sotyna joldandy.
– Polısııa departamenti qala turǵyndaryn qoǵamdyq tártipti saqtaýǵa jáne quqyq buzýshylyqtarǵa jol bermeýge shaqyrady. Árbir azamattyń jaýapkershiligi – ortaq qaýipsizdiktiń kepili, – dep qosty ákimdik saıty.
