Áleýmettik nysandar jumysymen tanysty

Keshe Premer-Mınıstrdiń orynbasary Berdibek Saparbaev jumys babymen Almaty qalasynda boldy, dep habarlady Premer-Mınıstrdiń baspasóz qyzmeti. Sapar barysynda B.Saparbaev birqatar bilim berý nysandaryn aralady. Atap aıtqanda, vıse-premer ál-Farabı atyndaǵy Qazaq ulttyq ýnıversıteti men Almaty memlekettik bıznes kolledji basshylyǵymen jáne stýdentterimen kezdesti. QazUÝ-da B.Saparbaev ǵylymı-tehnologııalyq parkte bolyp, onda júzege asyrylyp jatqan jobalarmen tanysty. «Keremet» stýdentterge qyzmet kórsetý ortalyǵynda vıse-premerge ońtústikkoreıalyq áriptestermen birlesip jasalǵan medısınalyq dıagnostıkalyq ortalyq múmkindikteri kórsetildi. Almaty JOO-lary rektor­lary­nyń óńirlik keńesinde qazaqstan­dyq ýnıversıtetterdiń álemdik bilim berý keńistigindegi básekege qabi­lettiligin arttyrý máselesi usy­nyldy. Oǵan qatysýshylar bilim berý sapasyn arttyrý, eńbek rynogy su­ra­nystaryn zertteý, sondaı-aq, el eko­nomıkasynyń salalary úshin joǵary bilikti mamandar daıarlaý máselelerin talqylady. Kúnniń ekinshi jartysynda vıse-premer birqatar sporttyq jáne ınfraqurylymdyq nysandardyń qurylys alańdarynda bolyp, 2017 jylǵy qysqy Ýnıversıadany ótkizýge Almatynyń daıyndyǵy barysymen tanysty. Odan keıin bolǵan keńeste Alma­tynyń sporttyq ınfra­qu­ry­lymyn da­mytý, 2017 jylǵy Ýnı­ver­sıadaǵa daı­yndyq másele­leri qaralyp, Halyq­aralyq olım­pıadalyq komıtettiń Baǵa­laý komıssııasy saparynyń qory­tyn­dylary týraly esep tyńdaldy. Keńesti qorytyndylaı kele, B.Sa­par­­baev Ýnıversıada-2017-niń nysan­­dary qurylysyn sapaly jáne ýaq­tyly aıaqtaý qajettigin, bul máse­le­lerdiń únemi Memleket basshysy nazarynda turǵanyn atap kórsetti.