Foto: Ashyq derekkóz
«BBC-degi basty tulǵalar, sonyń ishinde bastyǵy Tım Deıvı 6 qańtarǵa qatysty meniń óte jaqsy (minsiz!) sózimdi burmalap tastaǵany úshin qyzmetinen ketip jatyr/jumystan shyǵaryldy. The Telegraph-qa osy jemqor «tilshilerdi» áshkerelegeni úshin rahmet. Bular prezıdent saılaýynyń qorytyndysyna áser etýge tyrysqan opasyz adamdar. Oǵan qosa, olar kópshilik bizdiń birinshi odaqtasymyz dep sanaıtyn basqa elden. Demokratııa úshin qandaı qorqynyshty», dep jazdy Tramp Truth Social-da.
The Daily Telegraph málimetinshe, BBC Panorama baǵdarlamasynda Tramp sózi AQSh Kapıtolııin basyp alýǵa shaqyrǵandaı etip kórsetilgen. Al shyn máninde, ol azamattyq kózqarasty beıbit jolmen bildirý qajettiligin aıtqan. Aq úıdiń baspasóz hatshysy Kerolaın Lıvıtt BBC-di jalǵan aqparat taratty dep synaǵan.
Buǵan deıin Tım Deıvı 2021 jyldyń 6 qańtaryna qatysty daýdan keıin bas dırektor qyzmetinen ketetinin habarlaǵan, al jańalyqtar bóliminiń basshysy Debora Terness te qyzmetten ketken.
