Vedomstvo málimetinshe, atalǵan balalar úıi — jeke qaıyrymdylyq uıymy, onda qazirgi ýaqytta 35 bala tárbıelenip otyr.
«Qazirgi tańda barlyq tárbıelenýshiniń jaǵdaıy jaqsy, olar qaýipsiz jerge ornalastyryldy. Is-qımyldardy úılestirý úshin jedel shtab quryldy. Onyń quramyna ákimdik ókilderi, kámeletke tolmaǵandardyń isteri jáne olardyń quqyqtaryn qorǵaý jónindegi komıssııa hatshysy, qoǵamdyq keńes pen úkimettik emes uıymdardyń ókilderi, sondaı-aq qorǵanshylyq organdarynyń, Otbasyn qoldaý ortalyǵy men psıhologııalyq kómek ortalyqtarynyń mamandary kirdi. Medısına qyzmetkerleri balalardy tekserýden ótkizip, psıhologtar kómek kórsetti. Balalar úshin qashyqtan oqý uıymdastyryldy. Qazir tárbıelenýshilerdi ári qaraı ornalastyrý máselesi qarastyrylyp jatyr», delingen Bala quqyqtaryn qorǵaý komıtetiniń habarlamasynda.
Vedomstvo balalarǵa qatysty barlyq másele tolyq sheshilgenge deıin jaǵdaıdy erekshe baqylaýda ustaıtynyn atap ótti.
Eske sala keteıik, 9 qarasha, jeksenbi kúni Almaty qalasynda Altyn Orda kóshesinde ornalasqan balalar úıiniń ashanasynda órt shyqqan bolatyn. О́rt ashanany jáne oǵan jalǵasqan úsh qabatty ǵımarattyń shatyryn sharpyǵan.
Qalanyń barlyq jedel qyzmetteri oqıǵa ornyna jumyldyrylyp, keshke qaraı órt aýmaǵy 1000 sharshy metrge jetken soń tolyǵymen sóndirildi.
