Mańǵystaý óńirlik qoǵamdyq Kommýnıkasııa ortalyǵynyń málimetinshe, bıyl 697 myń tonna júk óńdelip, ótken jylmen salystyrǵanda 187%-ǵa artyq nátıje kórsetildi. Eksport kólemi 537 myń tonnaǵa jetip, 304% ósimge ıe bolsa, ımport 160 myń tonnaǵa deıin ulǵaıǵan.
Negizgi júk túrleri boıynsha da turaqty ósim baıqalady. Astyq ónimderi 279%-ǵa artyp, 408 myń tonnaǵa jetse, ózge júkter 127%-ǵa kóbeıip, 289 myń tonnany qurady. Konteınerlik tasymaldar kólemi de eki ese artyp, 17501 DFE boldy.
«2018 jyly paıdalanýǵa berilgen nysan zamanaýı tehnıkamen jabdyqtalǵan. Termınaldyń jalpy aýmaǵy 39 gektardy qamtıdy, jyldyq jobalyq qýattylyǵy – 3 mln tonna. Onyń ishinde 2 mln tonnasy jalpy júkterge, 1 mln tonnasy astyq ónimderine tıesili. Astyq termınaly bir mezette 60 myń tonnaǵa deıin astyq saqtaýǵa múmkindik beredi», deıdi Injınırıng jáne qaýipsizdik jónindegi dırektor Ermek Moldabekov.
