Kris_p_astana Telegram-arnasy taratqan aqparatqa sáıkes, Baızaq aýdanynyń Sarykemer aýylynda №3 Baızaq kolledjiniń 16 jastaǵy stýdenti óz-ózine qol jumsaǵan. Aldyn ala málimet boıynsha, oqıǵa aldynda jasóspirim ákesiniń avtokóligin zaqymdaǵan, sodan keıin ony sharýashylyq qurylystarynyń birinen óli kúıinde tapqan. Kórshiler men otbasy tanystarynyń aıtýynsha, bul otbasy jaǵdaıy jaqsy, úlgili otbasy retinde tanylǵan: ata-anasy jumys isteıdi, úlken balalary joǵary oqý oryndarynda oqıdy, al kenje qyzy mektepke barady.
Jambyl oblystyq polısııa departamentiniń baspasóz qyzmeti agenttikke bergen túsiniktemesinde bul derek boıynsha abaısyzda ólimge ákep soǵý faktisi boıynsha sotqa deıingi tergeý bastalǵanyn habarlady.
«Polısııa qyzmetkerleri kúdiktini anyqtap, bólimge jetkizdi. Qazirgi ýaqytta isti tolyq, jan-jaqty jáne obektıvti tergeý maqsatynda qajetti tergeý amaldary júrgizilip jatyr», delingen polısııa habarlamasynda.
Aıta keteıik, kámeletke tolmaǵan balalardyń ata-analaryna qatysty tárbıeleý jáne baqylaý mindetterin tıisinshe oryndamaǵany úshin jaýapkershilik máselesi de qarastyrylyp jatyr. Sebebi jasóspirimderdiń atys qarýyna qol jetkizýi jáne túngi ýaqytta qaraýsyz júrýi osy oqıǵaǵa sebep bolýy múmkin ekeni aıtyldy.
