Asyljan Shymkent qalasynyń týmasy. Qazir AQSh-ta oqıdy. Aǵylshyn tilin jas kezinen úırene bastaǵan. 12 jyl ereje jattap, sózdik aqtarǵan ol Stenford ýnıversıtetinde saıraı jónelemin dep oılaǵan. Alaıda jaǵdaı stýdenttiń josparyndaı bolmaı shyqty.
«Sol sátte bir oı sanama sart ete qaldy. Buǵan deıingi áreketim bilim alý emes, bilim alýdyń ısharasy ǵana eken. Adam tildi úırenbeıdi, ıgeredi eken. Sondyqtan men til úıretetin arnaýly platforma jasaý kerektigin uqtym», deıdi Asyljan Altaı.
Ázirge qoldanba tek iOS-ta qoljetimdi, androıd úshin endi beıimdelip jatyr. Jumys júıesi jasandy ıntelektige negizdelgen. Chat-bot arqyly til úırenýshi saýal joldap, qosymshanyń ózinen tapsyrma alyp turady. Felesh-kartalar da joq emes. Kúnine 40 mınýt sabaq oqıdy. Sabaq oıyn formatynda ótetindikten, esh jalyqtyrmaıdy. Ár sabaq kelesi oıyn kezeńi sekildi ótiledi. Qosymsha til úırenýshiniń ár ilgirleýin baqylap otyrady.
«Biz bul jobany eshqandaı ınvestısııasyz jasap shyqtyq. Myńdaǵan saǵatymyzdy sarp ettik. Eńbegimiz aqtalyp 15 mlrd dollar turatyn Duolingo qosymshasyn júktelim jaǵynan artta qaldyrdyq. Bul turǵyda túrki memleketterinde qoldanys kóp. Qazir qosymshamyz kórshi qyrǵyz, ózbek, tájik elderinde, sonymen qatar Reseı, Ýkraına, Belorýs elderinde keń kólemde qoldanylyp jatyr», deıdi joba avtorlary.
Jarııalanǵan alǵashqy táýlikte-aq Aleem-di 40 000-nan astam adam júktep alǵan, al bir kúnnen keıin aýdıtorııa 50 000-ǵa jetken. Qosymsha mundaı júktemeni kótere almaı, jobagerler serverdi jedel túrde kúsheıtýge májbúr bolǵan.
«Biz mundaı yqylasty kútpegen edik. Bul tek App Store reıtıngindegi kórsetkish emes. Bul elimizdiń álemdik deńgeıdegi ónimder jasaı alatyn áleýetiniń dáleli», deıdi ázirleýshiler.
