Foto: Úkimettiń baspasóz qyzmeti
Talqylanǵan negizgi joba – Qostanaı oblysy, Rýdnyı qalasynda SAF (Sustainable Aviation Fuel) avıaotynyn óndiretin zaýyt salý. LanzaJet kompanııasy ártúrli shıkizattan, sonyń ishinde dán, júgeri jáne kartop sııaqty organıkalyq zattardan alynǵan etanoldan ekologııalyq taza avıaotyn óndirý tehnologııasyn jasap shyǵarǵan. Bolashaq zaýyttyń jobalyq qýaty jylyna 54 myń tonna avıaotyn jáne 100 myń tonna qaıta óńdelgen bıoetanol shyǵarý kólemin qamtamasyz etedi. Qazirgi ýaqytta zaýyttyń tehnıkalyq-ekonomıkalyq negizdemesi daıyn.
Jobanyń jasyl avıasııany damytý jáne agroónerkásiptik keshende óńdeýdi tereńdetýdi maqsat etedi. Bıootyn óndirisi parnıktik gaz shyǵaryndylaryn azaıtýǵa yqpal etip, Qazaqstannyń klımattyq jáne energetıkalyq strategııasyna sáıkes júzege asyrylady.
«Memleket basshysy Qasym-Jomart Toqaev Qazaqstanda halyqaralyq áýe habyn qurý mindetin qoıdy. Áýejaılardyń áleýetin keńeıtý jáne ınfraqurylym qurýmen qatar, salany sapaly ári ekologııalyq taza avıaotynmen qamtamasyz etý máselesi mańyzdy. Biz yntymaqtastyqty nyǵaıtýǵa daıynbyz. Úkimet bul jobaǵa jan-jaqty qoldaý kórsetedi», dedi Oljas Bektenov.
Kezdesýge qatysýshylar elimizdegi turaqty avıasııalyq otyn óndirisiniń negizgi baǵyttaryn talqylap, jobany birlesip iske asyrý úshin ıntegrasııalanǵan basqarý qurylymyn qurý múmkindigin qarastyrdy.
