Tapanshasy bar mas júrgizýshi

Shymkent QIIB jedel basqarý ortalyǵynyń kezekshi bólimine «Toıota Kamrı» avtokóligine tapanshasy bar, ózi mas júrgizýshiniń rólge otyryp, Jibek joly kóshesinde ketip bara jatqandyǵy týraly habarlama tústi. Polısııa narıady iske kirisken. Syrttaı baqylaý beınekameralarynyń kómegimen Rysqulov pen Jibek joly kósheleriniń qıylysynda turǵan mashınaǵa jetip, mas júrgizýshini ustaǵan. Almaty qalasynyń turǵyny eken. Osy jáıt boıynsha QR QK-niń 287-baby «qarýdy, oq dárilerdi jarylǵysh zattardy jáne jarylǵysh qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» jáne QR ÁQBtK-niń 608-baby «Kólik quralyn mas kúıinde júrgizgeni» boıynsha qylmystyq ister qozǵaldy. Aıǵaqty zat retinde tapansha tárkilenip alyndy. Tergeý barysynda ustalǵan azamattyń buryn-sońdy jol júrý erejesin buzǵany úshin júrgizýshi kýáliginen aıyrylǵany belgili boldy. Qazir sotqa deıingi tergeý jumystary júrgizilýde. Travmatıkalyq jáne gazdy tapanshamen qarýlanǵan azamattardyń janjal barysynda oq atýynan qaıǵyly oqıǵalar kóbeıip ketti. Al mas júrgizýshiniń qolynda tapansha bolýy qandaı oqıǵaǵa ulasary belgisiz edi. Baqtııar TAIJAN, «Egemen Qazaqstan». ShYMKENT.