Jalpy somasy 2 mlrd teńgeden astam qarjyǵa alynǵan jańa tehnıkalardyń ishinde 19 órt sóndirý avtosısternasy, júris qabileti joǵary 8 jedel-jeńil avtokólik, 1 qutqarý qaıyǵy, respýblıkalyq bıýdjet esebinen alynǵan 2 sorǵy-jeńdi avtomobıl bar. Bul Aqjaıyq óńiri tótenshe jaǵdaılar qyzmetiniń materıaldyq-tehnıkalyq bazasyn nyǵaıtý baǵytyndaǵy mańyzdy qadam boldy.
– Memleket basshysy Qasym-Jomart Kemeluly Toqaev: «Mamandyqqa adaldyq tanytý, erlikke jáne kez kelgen synaqqa daıyn bolý – tótenshe jaǵdaı qyzmeti mamandaryna qoıylatyn basty talap» degen bolatyn. Prezıdentimiz azamattyq qorǵaý organdarynyń materıaldyq-tehnıkalyq bazasyn nyǵaıtý men qyzmetkerlerdiń áleýmettik mártebesin arttyrýǵa erekshe kóńil bólip keledi. Bul baǵyttaǵy jumys bizdiń oblysta da júıeli túrde júzege asyp jatyr, – dedi óz sózinde aımaq basshysy N.Tóreǵalıev. Oblystyń tótenshe qyzmet salasynda oń ózgerister az emes. Jaqynda Bórli aýdanyna qarasty Aqbulaq aýylynda jańa órt sóndirý pýnkti iske qosyldy. Nysan aýyl turǵyndarynyń qaýipsizdigin qamtamasyz etýge, tótenshe jaǵdaılarǵa jedel áreket etýge múmkindik beredi.
Batys Qazaqstan oblysy
