Foto: Ashyq derekkóz
Zúlfııa Bolatqyzy Súleımenova 1990 jyly Aqtóbe oblysynda týǵan. L.N. Gýmılev atyndaǵy Eýrazııa ulttyq ýnıversıtetin bitirgen.
Eńbek jolyn 2014 jyly Prezıdent janyndaǵy Qazaqstan strategııalyq zertteýler ınstıtýtynda О́ńirlik jáne jahandyq qaýipsizdik bóliminiń ǵylymı qyzmetkeri bolyp bastaǵan.
2015-2019 jyldary Birikken Ulttar Uıymynyń Azııa men Tynyq muhıtqa arnalǵan Ekonomıkalyq jáne áleýmettik komıssııasynyń Qorshaǵan orta jáne damý departamentiniń konsýltanty bolyp eńbek etken.
2019 jyly Birikken Ulttar Uıymy damytý baǵdarlamasynyń Túrikmenstandaǵy halyqaralyq konsýltanty, Birikken Ulttar Uıymy damytý baǵdarlamasynyń Qazaqstandaǵy ulttyq konsýltanty bolyp jumys istegen.
2020-2021 jyldary Ekologııa, geologııa jáne tabıǵı resýrstar mınıstrliginiń Klımattyq saıasat jáne jasyl tehnologııalar departamenti dırektorynyń orynbasary laýazymyn atqarǵan.
2021 jyly Parlament Májilisiniń VII shaqyrylymynyń depýtaty bolyp saılanǵan.
2022 jylǵy naýryzdan bastap Qazaqstan Respýblıkasy ekologııa, geologııa jáne tabıǵı resýrstar mınıstriniń orynbasary.
2023 jyly 4 qańtarda Memleket basshysynyń jarlyǵymen Qazaqstan Respýblıkasynyń ekologııa, geologııa jáne tabıǵı resýrstar mınıstri bolyp taǵaıyndaldy.
2023 jylǵy 21 qyrkúıekte Qazaqstan Respýblıkasy Prezıdentiniń keńesshisi - Prezıdenttiń halyqaralyq ekologııalyq yntymaqtastyq jónindegi arnaýly ókili boldy. 2025 jylǵy 25 qyrkúıekte Prezıdent Zúlfııa Súleımenovany bul qyzmetten bosatty.
