Foto: pinterest.com
FusionLab kompanııasy júrgizgen saýalnamaǵa 1,5 myń adam qatysqan. «Qandaı somany búginde jınaq dep esepteýge bolady?» degen suraqqa jaýap bergenderdiń ishinde eń kóp bóligi (9,8%) 500 myńnan 1 mıllıon teńgege deıingi somany ataǵan. Taǵy 7,1 paıyzy úshin jınaq kólemi 100 myń teńgeden bastalady.
Respondentterdiń 19,1 paıyzy jınaq dep 1 mıllıon teńgeden asatyn somany sanaıdy. 3,9 paıyzy úshin bul shek – 10 mıllıon teńgeden joǵary. 0,6 paıyz qazaqstandyqtar jınaq dep 50–100 mıllıon teńge aralyǵyndaǵy somany atasa, 0,9 paıyzy – 100-500 mıllıon teńge kólemin kórsetken. Tipti 0,1 paıyzy úshin jınaq kólemi 1 mıllıard teńgeden bastalady.
Sol saýalnama nátıjesinde eldegi eń kóp tabys toby da anyqtaldy: 34,7 paıyz azamat aıyna 150 -300 myń teńge tabys tabady. 21,9 paıyzynyń aılyǵy – 300-500 myń teńge aralyǵynda. Al 10,2 paıyz respondenttiń jalaqysy 500 myń teńgeden joǵary.
