Agenttiktiń málimetinshe, respýblıka aýmaǵynda qar, jańbyr, kóktaıǵaq, burqasyn men tuman kútiledi. Kóptegen óńirlerde jeldiń ekpini sekýndyna 20–25 metrge deıin jetýi yqtımal.
Astana qalasynda kóktaıǵaq kútiledi. Túnde jáne tańerteń ońtústik-batystan soqqan jeldiń baǵyty soltústik-batysqa jáne batysqa aýysady. Jeldiń ekpini 15–20 m/s jetedi.
Abaı oblysynda túnde jáne kúndiz jańbyr men qar túrinde jaýyn-shashyn bolady. Túnde jáne tańerteń ońtústigi men shyǵysynda tuman túsedi. Soltústik-batys baǵyttaǵy jeldiń jyldamdyǵy 15–20, keı jerlerde 25 m/s deıin jetedi. Kóktaıǵaq pen tómengi burqasyn kútiledi.
Aqtóbe oblysynyń soltústigi men batysynda túnde jáne tańerteń tuman túsedi.
Aqmola oblysynda jańbyr men qar túrinde jaýyn-shashyn, kóktaıǵaq pen tómengi burqasyn boljanyp otyr. Batysy men ońtústiginde tuman túsedi. Ońtústik-batystan soqqan jeldiń baǵyty soltústik-batysqa aýysady, kúshi 15–20 m/s jetedi.
Almaty oblysynda ońtústik-batystan soqqan jeldiń ekpini soltústigi men ońtústiginde keı jerlerde 15–20 m/s deıin kúsheıedi.
Shyǵys Qazaqstan oblysynyń batysy, soltústigi jáne shyǵysynda jańbyr men qar, kóktaıǵaq jáne tómengi burqasyn bolady. Túnde jáne tańerteń tuman kútiledi. Ońtústik-shyǵystan soqqan jeldiń jyldamdyǵy 15–20 m/s, kúndiz 25 m/s deıin jetedi.
Jambyl oblysynyń ońtústigi men taýly aýdandarynda túnde jáne tańerteń tuman kútiledi. Taýly óńirlerde jeldiń ekpini 15–20 m/s bolady.
Jetisý oblysynda shyǵys baǵyttaǵy jeldiń kúshi 17–22 m/s deıin jetedi.
Batys Qazaqstan oblysynda túnde jáne tańerteń keı jerlerde tuman bolady.
Qaraǵandy oblysynyń batysy men soltústiginde túnde jańbyr men qar, kóktaıǵaq jáne burqasyn boljanyp otyr. Kúndiz de osyndaı aýa raıy saqtalady. Jeldiń jyldamdyǵy 15–20 m/s.
Qostanaı oblysynyń túnde jáne kúndizgi bóliginde jańbyr men qar jaýady. Kóktaıǵaq pen burqasyn kútiledi. Túnde jáne tańerteń tuman túsýi yqtımal. Jeldiń kúshi 15–20 m/s deıin jetedi.
Qyzylorda oblysynyń soltústigi men ortalyǵynda tuman kútiledi.
Mańǵystaý oblysynyń batysy men soltústiginde túnde jáne tańerteń tuman túsedi.
Pavlodar oblysynda jańbyr men qar túrinde jaýyn-shashyn, kóktaıǵaq pen burqasyn bolady. Jeldiń ekpini 15–20 m/s.
Soltústik Qazaqstan oblysynda túnde jáne kúndiz jańbyr men qar jaýyp, kóktaıǵaq pen burqasyn kútiledi. Keı jerlerde tuman túsedi. Jeldiń ekpini 15–20 m/s.
Ulytaý oblysynyń soltústigi men ortalyǵynda túnde jáne kúndiz jaýyn-shashyn, kóktaıǵaq pen burqasyn boljanǵan. Jeldiń jyldamdyǵy 15–20 m/s deıin jetedi.
Mamandardyń aıtýynsha, aýa raıynyń buzylýy jol qozǵalysyna jáne kommýnaldyq qyzmetterdiń jumysyna áser etýi múmkin.
